“Кыргызалтын” ишканасынын жетекчилигинде өзгөрүүлөр

Кумтөрдөн алтын казып жаткан Центерра голд ишканасынын жеке сайтындагы маалыматка караганда “Кыргыз алтын” ишканасынын жетекчиси Алмазбек Жакыпов “Центерра голд инк” компаниясынын 11 кишиден турган директорлор кеңешинин мүчөлүгүнөн бошотулуп, анын ордуна Кыргызстандын атынан Өнүктүрүү, инвестиция жана инновация боюнча борбордук агенттиктин төрагасынын орун басары Алексей Елисеев жана Украина жараны Юрий Косвин дайындалды. Косвин тууралуу берилген маалыматта ал Киевде турары жана ишкер экени айтылган.
Бул маалыматты «Кыргызалтын» ишканасынан жана башка расмий булактардан тастыктоого азырынча мүмкүнчүлүк болгон жок.(ZKo)