Европа кеңешинин адам укуктары боюнча комиссары Кремлди Түндүк Кавказдагы адам укуктарынын абалын жакшыртууга чакырды. Томас Хаммарберг президент Дмитрий Медведев менен жолугушууда адам уурдоолордун толкунун токтотууга аракет көрүүгө, укук коргоочу Наталья Эстемированы өлтүргөн адамдарды таап, жоопко тартууга үндөдү. Чеченстандык укук коргоочуну былтыр жайында белгисиз бирөөлөр уурдап кетип, кийин анын сөөгү кошуна Ингушетияда табылган.
