Бул тууралуу аталган жумушчу топко жарандык коомдун мүчөсү, “Медиа полиси институту” уюмунун жетекчиси Бегайым Үсенова “Азаттыкка” билдирди. Анын айтымында жумушчу топ 3 ай ичинде өлкө башчысына Кыргызстанда санарип берүүлөргө өтүү боюнча даяр долбоорду алып кирүүгө милдеттендирилди. Жумушчу топ курамына президент катчылыгынан, Транспорт министрлигинен, өкмөт алдындагы Радио жыштыктар башкармалыгынан, “Кыргызтелеком” жана бейөкмөт уюмдарынан өкүлдөр киришти. (EK)
