Областтык телеишкананын төрайымы Бактыкан Ажымаматова телефон аркылуу коркутуп-үркүтүүлөр улантылып жатканын билдирди. Анын кол телефонуна чалып, ким экенин сурагыча өчүргөн адам “ Бактыкан , кызматтан кет! Сенин өлөөрүңө аз калды. Сени өз колум менен өлтүрөм” деген сөздөрдү төрт жолу жазып жиберген. Кызмат талашкан коркутууну ал журналисттик ишмердүүлүгү менен байланыштырды. Б. Ажымаматова бүгүн белгисиз адамды табуу өтүнүчү менен облустук прокуратура, ички иштер башкармалыгы жана коопсуздук кызматына кайрылды. (YA)
