“Демократия жана жарандык коом үчүн” коалициясы бул маселеге кызыккан бейөкмөт уюмдар менен чогуу жолугушууларды, телеконференцияларды уюштурууда. Жолугушуулар электр кубатына баанын көтөрүлүшүнө элдин пикирин аныктоо максатын көздөөдө.Бүгүн мындай телеконференция Бишкек менен Баткен облусунун ортосунда жүрдү. Баткендиктер жеңилдиктердин алынып салынышына нааразы болушту. Телеконференцияга Бишкектен жергиликтүү бийликтин, электр тармактар ишканаларынан жана президенттин катчылыгынан өкүлдөр катышты. Келерки телеконференция Нарын облусу менен уюштурулат. (BuS)
