Чилиде катуу жер титирөө болуп, азырынча 70тен ашуун кишинин каза тапканы маалымдалууда. Күчү 8,8 баллга жеткен силкинүүнүн очогу өлкөнүн экинчи ири шаары Консепсьондон 100 чакырым алыстыкта орун алган. Эң алгачкы маалыматтарга ылайык, зилзаладан имараттар кулап, телефон байланышы үзүлүп калды. Курман болгондордун санын аныктоо азырынча кыйын болууда. АКШнын цунами борбору Чили жана Перуга цунами коркунучу жөнүндө эскертти. Чилинин президенти Мишел Бачле элди чуру-чууга алдырбоого чакырды.
