Кытайдын тышкы иштер министринин маалымат катчысы Кин Чаң Ирандын бул программасы боюнча талашты «дипломатиялык жол менен чечүү дагы деле мүмкүн» деген пикрин билдирди. Мунун алдында Орусиянын президенти Дмитрий Медведев Иран уранды байытууну токтотуу талаптарына кулак салбаса, бул өлкөгө карата жаңы санкция киргизүү керектигин айткан. Батыш өлкөлөрү Иран ядролук курал жасоо максатында уран байытып жатат деп шексинүүдө. Иран мындай шектенүүнү четке кагып келет.
