Жекшембиде Иран өкмөтүнүн жактоочулары оппозиция лидери Мехди Карубинин үйүнө чабуул жасашты. Жергиликтүү маалымат каражаттары кабарлаганына караганда, алар коркутуп-үркүткөн ураандарды чакырып, имаратка кызыл боек ыргытып, Каррубини соттоо талаптарын кыйкырып жатышты. Фарс агенттиги чогулгандарды 1980-1984-жылкы Иран-Ирак согушунда курман болгондордун жакындары жана студенттер катары сыпаттады. Карруби былтыр жайында президенттик шайлоого талапкерлигин койгон. Шайлоону президент Махмуд Ахмадинежад жеңген. Оппозиция добуш берүүнүн жыйынтыктары бурмаланды деп ырастап келатат.
