Линктер

logo-print
шейшемби, 6-декабрь, 2016 Бишкек убактысы 12:07

“Ак шумкар” Ынтымак курултайынын катышуучулары менен жолугушуу өткөрөт


Бул тууралуу партия лидери Темир Сариев “Азаттыкка” таңкы түз ободо курган маегинде билдирди. Анын айтуусунда пикет, митингге тыюу салган бийлик мыйзам боюнча жолугушууга тыюу салууга укугу жок. Ошондуктан, 23-март күнү партия мүчөлөрү Ынтымак курултайынын катышуучулары менен Улуттук филармониянын алдында жолугушуп, өздөрүнүн курултайдын күн тартибинде киргизилүүсүн талап кылган маселелер жазылган кайрылуусун беришет. Анда курултайдын күн тартибинде беш маселе каралышын: Жаңы жылдан кийин сатылган “Түндүк электро” менен “Кыргызтелеком” мамлекеттик ишканаларынын менчикке сатылышы мыйзамсыз деп табылып, мамлекетке кайтарылуусун; электр энергиянын негизсиз көтөрүлгөн тарифи жана коммуналдык төлөмдөр калыбына келтирилүүсүн, электр энергиясын уурдап, сууну мыйзамсыз сатып жаткандар жоопко тартылуусун; президент өз алдында мыйзамсыз түзүлгөн мамлекеттик мекемелерге дайындалган туугандарын кетирип, мыйзамсыз мекемелер: Борбордук агентчилик, мамлекеттик министрлик ж.б. жойсун; президент өзүнүн Кыргызстанда үй-бүлөлүк башкарууну мыйзамдаштыруучу Башмыйзамды өзгөртүү боюнча мыйзам долбоорун Жогорку Кеңештен чакыртып алуусун; мыйзамсыз соттолгон И. Исаков менен Балыкчы окуясында соттолгондорду бошотуу, Петровка чатагы боюнча оппозициялык ишмерлердин сот процессин токтотууну талап кылынмакчы.(ZKo)

Азаттык Фейсбукта

XS
SM
MD
LG