Өлкөнүн авиациялык бийликтери мындай кадамга Исландияда боргулданып жаткан жанар тоо туудурган коркунучтан улам барышты. Маалыматка караганда, бүгүн жергиликтүү убакыт боюнча саат бери дегенде 8:00дон 14:00гө чейин Ирландияга кирүүчү жана андан чыгуучу авиакаттамдарга тыюу салынат. Андан кийин учууга жарагыдай жагдай түзүлөт деген үмүт бар. Исландиянын түштүгүндө 14 –апрелде жанар тоо атыла баштагандан кийин анын күлү учактардын кыймылдаткычына зыян тийгизет деген кооптонуудан улам бүткүл Европанын аба мейкиндиги бир аптага жабылган болчу.
