Ооган өкмөтү талиптердин жогорку жетекчилиги өкмөткө каршы күрөштү токтотууга макулдук берсе, аларга чет өлкөдө жашоо сунуш кылмакчы. Британиянын "The Guardian" гезитинин жазышынча, бул маселени президент Хамид Карзай келерки жумада Вашингтондо президент Барак Обама менен талкуулайт. Ошондой эле каруу жарагын тапшырган мурдакы согушчандар жасаган кылмышы үчүн жоопкерчиликтен бошотулуп, килем согуу, соода кылуу сыяктуу башка өнөрлөргө үйрөтүү сунуш кылынат. Уруу аксакалдары сунушту ай соңунда талкуулашат.
