Кабарчыбыздын маалымдашынча, борбордук аянтта облустун азыркы губернаторунун милдетин аткаруучу Сооронбай Жээнбеков менен мурунку губернатор Мамасадык Бакиров баштаган топтор сүйлөшүп жатышат. Андан мурдарак Ош шаарында мурунку президент Курманбек Бакиевдин беш жүздөй жактоочусу обладминистрацияны басып алышты. Оштун мурунку губернатору М. Бакиров менен анын орун басарлары да акимчиликке келип киришкен эле. С. Жээнбеков болсо кайтаруучуларынын коштоосунда имараттан чыгып кеткен болчу. Кабарларга караганда азыр Убактылуу өкмөт бул окуяны талкуулоо үчүн жыйналганы жатат. (EBM)
