Грузиядан өз алдынчалык жарыялаган жумурияттын президенти Эдуард Кокойты 18-майда Орусиянын Федералдык коопсуздук кызматынын өкүлү менен аймактын чек арасын талкуулады. Кокойты ФККнын бул жумурияттагы директору Александр Мурзин менен жолуккандан кийин, Түштүк Осетия азыр Грузияга караган Казбеги ооданындагы Трусо капчыгайын өзүнө кошуп алууга аракеттениши мүмкүн деди. Бирок Түштүк Осетиянын билдирүүсүндө Грузияга караган эч кандай аймакты кошуп алуу тууралуу айтылган жок. Грузиянын оппозициядагы Элдик Майданынын жетекчиси Нодар Натадзе бул маселени көтөрүү "Орусиянын Грузияга каршы кастык саясатынын көрүнүшү" деп баалады.
