Мындай чечим Убактылуу өкмөттүн бүгүнкү жыйынында кабыл алынды. Жыйында Убактылуу өкмөт мүчөсү Азимбек Бекназаров Жаныш Бакиевдин баласынын катыштыгы бар “Айнаш компани” ишканасынын үч кабаттуу жеке комплексин жана “Солнышко” пансионатынын бир бөлүгүн да улутташтыруу зарылдыгын белгиледи. Анын айтымында, 2002-жылы мурдагы президент Курманбек Бакиев премьер-министр болуп турганда арзыбаган баага аталган пансионатты сатып алган. (КЕ)
