Убактылуу өкмөттүн басма cөз кызматынан "Азаттыкка" маалымдашкандай, Убактылуу өкмөт жетекчиси, өткөөл мезгилдин президенти Роза Отунбаева бүгүн Ысык-Ата районунун Кызыл-Суу мектеп-интернатындагы окуучулар жана тарбиячылар менен жолугуп, аларды бүгүнкү балдарды коргоонун эл аралык күнү менен куттуктады. Аталган мектепке жылуу одеял, оюнчуктар жана телевизор белекке тапшырылды. Мектеп-интернатта 9 жаштан 16 жашка чейин 160 бала тарбияланат.
Роза Отунбаева мындан сырткары райондун тургундары менен жолугушуп, азыркы кырдаал тууралуу кыскача маалымат берээри күтүлүүдө. (КЕ)
