Өзбекстан Сох анклавынан аскердик оор техникаларын кечээ чыгарып кетти

Бул тууралуу Баткендеги кабарчыбыз билдирди. Анын айтымында, 27-майдан бери жабык турган Өзбекстандын Хушяр айылынан Чарбак айылына кетүүчү автожол кечээ кечинде ачылды. Бул кыргыз-өзбек чек ара кызматынын жетекчилеринин эки тараптуу сүйлөшүүлөрүнүн негизинде ишке ашырылды.

Маалыматка караганда кыргыз-өзбек чек арасындагы Чечме айылына жакын жерде жайгаштырылган Өзбекстандын десанттык батальонунда 30дан ашуун аскердик согуштук оор техника бар болчу. (AJ)