Убактылуу өкмөттүн жетекчиси Роза Отунбаева Ош облусунда иш сапарда жүрөт. Ал бүгүн Ноокат районунун жашоочулары менен жолугушуп, аймактагы кырдаалды турукташтыруу боюнча аткарылып аткан иштер тууралуу айтып берди. Ал ошондой эле чогулган элди ар кыл чагымчы күчтөрдүн тукуруктарына алдырбоого, 27-июнга белгиленген референдумга жигердүү катышууга үндөдү. Өткөөл мезгилдин президенти Роза Отунбаеваны Коргоо министринин милдетин аткаруучу Исмаил Исаков баштаган адамдар коштоп жүрүшөт. Роза Отунбаева кечээ Жалал-Абад облусунда болуп, бир катар жолугушууларды өткөргөн.(IJz)
