Тажик бийлиги Ооганстан тараптан келчү маң заатын өлчөмү жыл аягына чейин кыскарат деген ишенимде. Тажикстандын баң заттарды көзөмөлдөө агенттигинин башчысы Халимжон Махмудов муну апийим өстүрүүгө каршы күрөштүн жана ага кетчү каржылоонун жакшы жолго коюлгандыгы менен байланыштырды. Анын айтуусунда, бул жылдын биринчи жарым жылдыгында Тажикстан мурункуга салыштырганда үч эсе аз маң зат кармаган.
