Кечээ президент Роза Отунбаева бир күндүк иш-сапары менен Баткен облусуна барды. Аны Транспорт жана коммуникация министри Эркин Исаков, Жаратылыш ресурстары министри Кайрат Жумалиев, облустун губернаторунун милдетин аткаруучу Султан Айжигитов коштоп жүрүштү. Президент Р.Отунбаева ирригация жана электрлештирүү боюнча долбоор болгон “Теке секирик”, жогорку чыңалуудагы электр өткөрүүчү “Айгүл таш” долбоорлору менен таанышты. Ошондой эле ал иш-сапарынын соңунда Кызыл-Кыядагы цемент заводунун ишмердүүлүгү менен таанышты. Бул тууралуу президенттин маалымат кызматы билдирет. (IJz)
