Линктер

бейшемби, 8-декабрь, 2016 Бишкек убактысы 02:22

Ноокат райкеңешинин депутаттары ЕККУ полициясы киргизилишине каршы


Бул тууралуу “Азаттыкка” Ош облусуна караштуу Ноокат райондук кеңешинин төрагасы Шамырза Абдибаитов кабарлады. Анын айтымында, мындай чечим 25-августта Ноокат райондук кеңешинин депутаттарынын жыйынында кабыл алынган. “Кыргызстан ички маселесин өзү гана чечиши керек. Бизде азыр жетишерлик күч түзүмдөрүбүз бар”, - деди Ш.Абдибаитов. Райондук кеңештин депутаттары Кыргызстандын менталитетин түшүнбөгөн сырттан келген күчтөр кырдаалды курчутуп жибериши ыктымал деп кооптонушууда. Ошондой эле алар түштүктөгү коогалаңда жабыркагандардын үй-бүлөлөрүнө мамлекеттен жардам көрсөтүү зарылдыгын белгилешкен. Аталган райондон кандуу капсалаңда 7 адам каза тапкан.

Өз кезегинде расмий бийлик ЕККУ полициялары куралсыз болуп, кеңеш берчү гана топ экенин белгилеп келет. Кийинчерек алардын Бишкек шаарында жайгашуусу ыктымалдыгы да айтылган. (КЕ)

Азаттык Фейсбукта

XS
SM
MD
LG