Сыйлыктарды тапшыруу жана куттуктоо аземи 31-августта Ала-Арча мамлекеттик резиденциясында президенттин катышуусу менен болду. Сингапурда болгон жаштар олимпиада оюндарына Кыргызстандан сегиз спортчу катышып, үчөө медаль менен келишти. Алардын ичинен грек-рим күрөшү боюнча Урмат Аматов алтын медаль, Шадыбек Сулайманов жана Болотбек Токтогонов коло медалдарына ээ болушту. Алтын медалдын ээси Аматовго өкмөт жана “Кумтөр” кени 10 миң доллардан, коло медаль ээлерине 5 миң доллардан сыйлык берди. (AiT)
