Калмыкиянын президенти жана Шахмат боюнча дүйнөлүк федерациянын төрагасы Кирсан Илюмжинов 11-сентябрь теракттары болгон жердин жанынадагы аянтты 10 миллион долларга сатып алуу ниетин билдирди. Мындай сунуш менен ал Нью-Йорк шаарынын мэри Майкл Блумбергге кайрылган. Дал ошол жерде ислам коомчулугу мечит курууну көздөп жаткан. Илюмжинов ал жерде дүйнөлүк шахмат борборун тургузууну пландоодо. Өткөн жумада ал аянтчаны сатып алуу каалоосун америкалык ишкер Доналд Трамп билдирген, бирок терс жооп алган. Илюмжинов өткөн жумада президенттик кызматтан кетүү арызын тапшырган.
