Бишкекте “Тартип коргоо органдары: ишкерликти коргообу же коркунучпу?” деген аталыштагы тегерек үстөл өтөт. Бул тууралуу “Азаттыкка” “Интербилим” борборунун координатору Гүлнара Журабаева кабарлады. Анын айтымында, ишкерлер соңку мезгилдеги тынымсыз текшерүүлөргө нааразы жана бул багытта мыйзамды өзгөртүүнү сунуштап жатышат. Тегерек үстөлгө өлкөнүн бардык тартип коргоо органдары, ИИМ, УКМК, Башкы прокуратура, Каржы полициясынан өкүлдөр келери күтүлүүдө. Анда ишкерлер текшерүү системасын өзгөртүү маселесин да көтөрүшөт. (КЕ)
