Мекемелер аралык комиссиянын ишинин жыйынтыгы жарыяланат

Бүгүн өкмөттө Ош шаары, Ош жана Жалал-Абад облустарындагы абалды турукташтыруу боюча мекемелер аралык комиссиянын жыйыны өтөт. Анда вице-премьер-министр Өктөмкан Абдуллаеванын аталган комиссиянын ишинин жыйынтыктарын жарыялары күтүлүүдө. Бул туурасында президенттин басма сөз кызматынан кабарлашты.

Мекемелер аралык комиссия президенттин жарлыгы менен ушул жылдын июль айында түзүлүп, ага эл аралык, бейөкмөт уюмдардын жана башка кызыктар органдар менен бирге этностор аралык карым-катнашты бекемдөө, кырдаалды турукташтыруу боюнча программа иштеп чыгуу иштери тапшырылган. (KKs)