Июнь окуялары боюнча төрт жарым миңден ашуун кылмыш иши козголду

Бул туурасында “Азаттыкка” Ош облустук башкы прокурордун түштүк аймагы боюнча орун басары Рыскул Бактыбаев билдирди.
Ушул тапта козголгон кылмыш иштери боюнча шектүү делип 300 киши кармалган. Алардын 268 убактылуу кармоо жайында жатат. Июнь окуялары учурунда мерт болгон 429 кишинин денеси табылган. Алардын ичинен 47 си бүгүнкү күндө таанылбай калып жатат. Учурда жакындарын жоготкондордон 127 арыз келип түшкөн. Азыр 38 киши дайынсыз жок болууда. (AzK)