Бардык шайлоо документтери БШКга ташылууда

Шаардык жана райондук шайлоо комиссияларында сакталуу турган бардык шайлоо документтерин Борбордук шайлоо комиссиясына алып келүү тууралуу чечим чыкты. Бул тууралуу БШКнын маалымат кызматы билдирет. БШКнын кезектеги отурумунда чыгарылган мындай чечим, шайлоо протоколдорунда көптөгөн каталардын табылышына байланыштуу болууда.

Шайлоо документтерин алып келүү иштери күчөтүлгөн кайтаруу астында жана сайсий партиялардын өкүлдөрүнүн катышуусунда жасалууда. Алып келинген документтерди текшерүүгө шайлоого катышкан саясий партиялар менен бейөкмөт уюмдардын өкүлдөрү катышмакчы. (IJz)