Тажикстандын Ооганстан жактагы чек арасына жакын аймакта ислам согушкери деп шектелген эки тажик жараны жок кылынды. "Франс Пресс" агентигинин ички иштер министринин өкүлү Махмадулло Абдуллаевге шилтеп кабарлашынча, согушчандар “террорчулардын жана “ал-Акаиданын” Ооганстандагы базаларында даярдыктан өтүшкөн” экен.
Сентябрда Рашт өрөөнүндө буктурмага кабылып, отуздай аскер окко учкандан тарта, тажик армиясы өлкө чыгышындагы бу аймакта согушчандарга каршы операция жүргүзүүдө.
