Франциянын президенти Николя Саркози “өлкөдө иш таштоо улана берсе, француз экономикасына салакасы оор болот” деп билдирди. Саркозинин пенсия реформасына каршы массалык иш таштоо, демонстрациялар бир аптадан ашуун убакыттан бери уланууда. Пенсия жашы 60 жаштан 62 жашка чейин узартылат дегенге зээни кейиген демонстранттар өлкөнүн энергетика компанияларынын ишин дээрлик токтотуп коюшту. Буга карабай, президент Саркози өзүнүн планынан баш тартпай турганын айтып жатат.
