Эл аралык Кризистик топтун Борбор Азиядагы жетекчиси Пол Куин Жаж Ош менен Бишкектеги соңку окуялар боюнча бир нерсе айтуу азырынча кыйын экендигин, ал тургай өкмөт да чалды-куйду билдирүү жасап жаткандыгын билдирди. Ошол эле мезгилде кризистер боюнча дүйнө мамлекеттерине кеңеш берүүчү уюмдун өкүлү бул акциялардын артында Өзбекстандын Исламчыл кыймылы жана "Исламдык жихад" өндөңгөн исламдык, фундаменталдык, согушкер уюшмалар турушу мүмкүн экендигин "Азаттыкка" билдирди.
