Футбол күйөрмандары 6-декабрдагы атышууда окко учкан жолдошу Егор Свиридовду эскерүү үчүн бүгүн Москвада митингге чогулушкан. Алар бийликтерден Свиридовду аткан адамды таап, жазалоону талап кылышкан. Ал митинг түштөн кийин массалык башаламандыкка айланып кетти. Кеминде 10дой адам жаракат алган. Милиция бир нече адамды кармады. Бийликтер Свиридовду өлтүргөн болушу мүмкүн деген шек менен Аслан Черкесов деген жаран кармалганын айтышты. Бир нече миңдей футбол фанаты көчөлөрдө кавказдыктарга кол салган учурлар да болгону кабарланууда.
