Бирок Кошмо Штаттары өз максатынан баш тартпайт. Муну Ооганстандагы кырдаал тууралуу өкмөттүн жаңы доклады менен тааныштырып жатып, президент Барак Обама ырастады. Бул өлкөдө "Ал-Каидага" каршы күрөштө көзгө толорлук ийгиликтер жасалганын белгилеп, ошол эле учурда Обама "Ал-Каида" АКШнын улуттук коопсуздугу үчүн дале олуттуу коркунуч келтирип жатканын, аны биротоло жок кылуу үчүн убакыт керек болорун моюнга алды. Президент террорчул бул уюмду толук талкалоо үчүн АКШ мындан ары да өз максатынан кайра тартпай турганына ишендирди.
