Египеттин президенти Хосни Мубарак террорчуларды өлкөнү коогалаңга салбоого чакырды. Ал мындай кайрылууну жаңы жыл алдында Александрия шаарындагы копт-христиандарынын чиркөөсүнө жасалган бомба чабуулуна байланыштуу жасады. 21 киши курман болгон бу чабуулду АКШ президенти Барак Обама “жапайычылык жана наадандык иш” деп атап, Каирди Кошмо Штаттар колдоорун билдирди. Александрия шаарынын акими Абдел Лабиб бомба чабуулу үчүн “ал-Каиданы” күнөөлөдү.
