Саламаттыкты сактоо министрлигинин басма сөз кызматы кабарлагандай, бүгүн өтө турган бул жыйынга Бишкек жана Чүй облусундагы дарыгерлер жамааттары катышып, саламаттыкты сактоо багытындагы маселелерди тактоо, айлык акыны көтөрүү өңдүү маселелерди талкууга алышмакчы. Жыйынга министрликтин кесиптик бирлигинин жана коомдук көзөмөл кеңешинин өкүлдөрүнүн да катышаары күтүлүүдө. Азыр дарыгерлер орто эсеп менен 4 миң сомдой айлык алат, мээрман айымдардын маянасы 2,5 -3 миң сомго барат. Кыргызстанда жалпысынан 12 миң дарыгер, 28 миң мээрман айым иштейт. (KKs)
