Ооган армиясы менен чет элдик күчтөрдүн Кандагар провинциясында былтыр өткөргөн операциясы маалында дыйкан чарбаларына жана турак үйлөргө 100 миллион доллар зыян келтирилген. Бул жөнүндө президент Хамид Карзайдын кеңешчиси Мухаммед Садык Азиз билдирди. Ал эми Кандагардын губернаторунун өкүлү Залмай Аюбинин сөзүнчө, талиптер ээлери качып кеткен үйлөргө жана бакчазарларга мина коюшкандыктан, өкмөттүк күчтөрдө мындай жерлерди жардыргандан башка аргасы жок болчу.
