Бириккен Улуттар уюмунун баш катчысы Египетте бийликтин тынч жол менен алмашуусу аймактагы бейкуттук үчүн чечүүчү мааниге ээ деп эсептейт. Бан Ги Мун Египеттеги толкундоолор «айрыкча Жакынкы Чыгыштагы тынчтык жараянына олуттуу таасир тийгизиши мүмкүн» деди. Ал токтоп калган Израил-Палестин сүйлөшүүсү боюнча Жакынкы Чыгыш Төртилтигинин жолугушуусунан кийин сүйлөдү. БУУнун жетекчиси Египеттин президенти Мубаракты элдешүү жараянындагы «башкы оюнчу» деп мүнөздөдү.
