Анда июнь коогалаңынан жабыркаган Ош, Жалал-Абад шаарларын калыбына келтирүү маселеси каралмакчы. Жогорку Кеңештин басма сөз кызматы маалымдагандай, анда фракция мүчөлөрү Ош жана Жалал-Абад шаарларын калыбына келтирүү боюнча мамлекеттик дирекциянын башчысы Жантөрө Сатыбалдиевдин маалыматын угат. Мындан тышкары "Люстрация" кыймылынын кайрылуусун талкууга алат. Ошондой эле фракция жыйынынын кароосуна "Кыргызстандын коргонуу кеңеши тууралуу" мыйзамдын долбоору да коюлары күтүлүүдө.(ZKo)
