Ооганстандын президенти өлкөнүн чыгышындагы бир нече күндөн берки операцияларда 50дөн ашык тургун набыт болгондугун бышыктады. Мунун алдында Кунар дубанынын акими АКШ баштаган НАТО күчтөрү 63 адамды, анын ичинде аялдарды жана балдарды өлтүрдү деп ырастаган. НАТО бул ырастоолорду иликтей тургандыгын айтууда. Кечээ Ооганстанда НАТОнун франциялык бир аскери окко учту.
