Француз полициясы Парижде өткөргөн рейд учурунда кароосуз бир үйдө 148 кишини кармады. Алардын басымдуу бөлүгү Тунистеги толкундоолор маалында мекенинен качкан мигранттар болуп чыкты. Шаар мэриясынын маалыматына ылайык, рейд коопсуздук себептеринен улам өткөрүлгөн. Январда элдик толкундоолордун натыйжасында Тунистин президенти кулатылгандан кийин Италиянын чек арасын 25 миңдей тунистик жаран кесип өткөн. Алардын көбү Францияда жайгашууну көздөшүүдө.
