Бул тууралуу бүгүн британ премьери Давид Камерон Ливияда лидер Муаммар Каддафиге каршы күрөшүп жаткан козголоңчулардын Улуттук Өткөөл Кеңешинин башчысы Мустафа Абдул-Жалил менен жолугушууда айтты. Бирок Британия азырынча Италия менен Францияга окшоп бул кеңешти Ливиянын легитимдүү өкмөтү деп тааный элек. НАТОнун аскер күчтөрү бүгүн Триполиде Каддафинин резиденциясына жана башка айрым жерлерге абадан сокку урушту. Өкмөт кеминде эки адам өлгөнүн кабарлады.
