Линктер

жума, 9-декабрь, 2016 Бишкек убактысы 23:38

Валюта корунун башчысы Рикерс түрмөсүнө которулду


Зордуктоого аракеттенген деп шектелип жаткан Эл аралык валюта корунун башчысы Доминик Стросс-Кан Нью-Йорктун Рикерс аралындагы түрмөгө которулду. Судья Меллисо Жексон бардыгы мыйзам чегинде болуп жаткандыгын айтты:

- Мен бул жерде кармалган киши күнөөлүү же күнөөсүз деп айта албайм. Бул жерде кеп ал качып кетеби-жокпу деген кооптонууда турат. Мен ушул өнүттө гана мыйзам чегинде аракеттенем. Бул адамдын Нью-Йорктун Жон Кеннеди аба майданында учакка отурар алдында кармалганы шек туудурат.

Стросс-Кан Францияга кетип калат деп чочулаган сот аны 1 миллион доллар кепилдик аркылуу бошотуу сунушунан баш тарткан.
Кан Стросс Нью-Йорк отелинин бөлмө тазалагычынын даттануусунун негизинде Парижге учаар алдында, ишемби күнү кармалган. Коюлган айыпты ал өзү төгүндөп жатат.
Валюта Корунун башчысы бүгүн Евробиримдиктин каржы министрлеринин Брюссель жолугушуусуна катышмак.

Азаттык Фейсбукта

XS
SM
MD
LG