АКШ Ооганстандан аскерин чыгарууда шашылбайт

Коргоо министри Роберт Гейтс америкалык аскерлери Ооганстандан "шашылып чыгып кетпей" тургандыгын айтты.

Июль айынан тарта АКШ Ооганстандагы аскерий күчтөрүн чыгарууга камынууда.

Брүсселдеги НАТОго мүчө өлкөлөрдүн коргоо министрлеринин жыйынында АКШнын өнөктөштөрү Ооганстандан америкалык аскерлерди чыгарууга карата кабатырлануусун билдирди.

Жыйындан кийин НАТО баш катчысы Андерс Расмуссен июлдан баштап америкалык аскерий күчтөрдүн чыгарыла башташы Ооганстандагы
кырдаалга таасир этпейт деген ишенимин билдирди.