Евробиримдик, АКШ Косовону тынчтанууга чакырды

Косоводо албан өкмөтү Сербия менен чек арадагы эки көзөмөл бекетин тартып алууга буйрук бергенден кийин чыккан тополоңдо косоволук албан полициячы окко учту.

Косовонун бийликтери полицияга жана анын кызматкерлерине сербдер басымдуулук кылган аймакта ок атылгандыгын билдирди. НАТО аймактагы тынчтык аскерлерин чукул даярдык абалга келтирип, кайтаруу иштерин күч алдырды. Аталган эки бекет кимге тиешелүү экендиги тууралуу тактоо боло элек.