Линктер

бейшемби, 8-декабрь, 2016 Бишкек убактысы 14:16

Тапанча алып качып кеткен аскерди издеп жатышат


Кыргызстанда мөөнөттүү аскер кызматынын катардагы жоокери Бек Жолдошев 27-июлда Кой-Таш айылындагы №73809 аскер бөлүгүн өз эрки менен таштап качып кеткен. Коргоо министрлигинин маалымат борборунун адиси Гүлнара Берманованын “Азаттыкка” айтымында, Жолдошевде тапанча болгон, бирок анда колдонулчу ок-дарылар жок. Качып кеткен жоокер 1992-жылы туулган, Талас облусунун Бакай-Ата районунун тургуну. Ал кызматка Биринчи май райондук аскер комиссариаты тарабынан 2011-жылдын жазында чакырылган. Учурда Коргоо министрлигинин жана укук коргоо органдарынын турган атайын топ качып кеткен жоокерди издешүүдө. Ал эми жоокердин качып кетүү себеби азырынча белгисиз. (КЕ)

Азаттык Фейсбукта

XS
SM
MD
LG