Сирияга каршы резолюциянын долбоорунда президент Башар ал-Ассад жана жашыруун кызматтардын 22 башка чиновнигине каршы санкция киргизилээри каралган. Европадагы өлкөлөр АКШ менен бирге сунуштаган резолюциянын долбоору жакынкы күндөрү Бириккен улуттар уюмунун Коопсуздук кеңешинде талкууланат. Резолюция Сирияда бийлик оппозициянын нааразылыгын күч менен басып жатканына Батыш өлкөлөрүнүн жообу катары каралаары күтүлүүдө. Акыркы беш айдан берки тирешүүлөрдө, Улуттар уюмунун айтымында, өлкөдө 2200 адам окко учкан.
