Өкмөт башчы Кытайга келди

Премьер-министр Алмазбек Атамбаев Кытайда "Жайкы Давос" аттуу экономикалык форумга катышат. Мындан тышкары Кытай мамлекетинин башчылары менен, анын ичинде Мамлекеттик кеңештин премьер-министри Вэнь Цзябао, Кытайдын тышкы иштер министри Ян Цзечи, илим жана техника министри Ван Ганн жана Дүйнөлүк экономикалык форумдун төрагасы Клаусом Шваб менен жолугушат. Бул тууралуу "Азаттыкка" өкмөттүн басма сөз кызматынан маалымдашты.

Кечээ Алмазбек Атамбаев Ташкенге иш сапар менен барып, ал жактан кечке жуук Кытайга аттанып кеткен. (ZKo)