АКШнын Невада штатындагы авиашоуда Экинчи дүйнөлүк согуш маалындагы учак кыйрап, бери дегенде 3 киши каза болуп, 50 чактысы жараат алды. Мустанг П51 согуш учагынын рулунда 74 жаштагы тажрыйбалуу каскадер Жимми Ливард отурган. Күбөлөрдүн айтымында, пилот кулап бараткан учакты эл отурган трибунадан алыс буруп кетүүгө аракеттенген. Рино шаарындагы авиажарыштар жыл сайын өткөрүлүп жүрөт.
