25-30-сентябрда Кыргызстанда Кытай маданиятынын күндөрү өтөт. Президенттин кеңешчиси Султан Раевдин "Азаттыкка" маалымдашынча, маданият иш-чараларына катышуу үчүн 50 адам келет. Алардын 80 пайызын кытайлык кыргыздар түзөт. Эки өлкөнүн ортосундагы мындай кеңири форматтагы иш-чара биринчи жолу өткөнү турат. Концерттер Бишкекте жана Ысык-Көлдө өтөт. Кытайдын Кызыл-Суу автономиялык облусунда 160 миңдей кыргыз жашайт. (RK)
