Мындай кайрылуу Башкы прокуратурага жолдонгонун БШК мүчөсү Жеңиш Акматов “Азаттыкка” тастыктады. Буга чейин талапкер Алмазбек Атамабевдин кишисимин деп өзүн тааныштырган адам бир катар аймактык шайлоо участокторуна чалып, аталган талапкерге канча добуш алып бере алаарын сураган аудио-жазуу интернетке жарыяланган. Анда конверт сунуштаган учурлары да бар. БШК бул аудио жазууну текшерип, укуктук баа берүүнү Башкы прокуратурадан өтүнүп жатат. (КЕ)
