Атамбаев: Курман айт бизди бириктирсин!

Президенттик жарышта биринчи келген Алмазбек Атамбаев кыргызстандыктарды Курман айт менен куттуктады. Өз кайрылуусунда Атамбаев исламдык дөөлөттөр көп улуттун башын бириктирген күч болуп калаарына ишеничин билдирди.

Атамбаев өз куттуктоосунда Кыргызстан Жараткандын жардамы менен жакында эле оор сыноолордон ийгиликтүү өткөнүн жазган. Ал көз карандысыз Кыргызстандын тарыхында биринчи жолу бийлик тынч жол менен алмашканын белгилеп, эми өлкөдө өнүгүү болооруна көзү жетээрин кошумчалаган. (ЕК)