БУУнун Баш жыйыны көзөмөлдөгөн Адам укуктары комитетинин Сирияда өкмөттүн демонстрацияларды күч менен басып жаткандыгын айыптаган резолюциясын 122 өлкө, анын ичинде Батыш жана араб өлкөлөрү колдоп, 13 өлкө каршы добуш берди. 41 мамлекет калыс калды. Сириянын БУУдагы элчиси Башар Жаафари бул документти “согуш жарыялоо” деп баалады. БУУнун болжолунда март айынан берки толкундоолордо Сирияда 3500дөн ашуун кишинин каны төгүлдү.
